Page 25 - Rumbo al Bicentenario. Año 2, Nº 9

JEMPE YAKAKAUJAI

Yama najanetnumag Jempe Yakakaujaig aents ajakui. Nunin asamtai

Etsa nawanjin sujuktatus wakegau asa tiu:
— Atum mai ajamtajum yaayáa jamtig nuna nawanjunash susattajai, tiu.

Tima Jempe Yakakaujai ajan nagkamawajui.
Jempek suut usukia waamak ajamu asa waamak jega waketu.

Nunitai Etsa, nuwe chichajak:
— Jempek daki asa aja takatsuk jega waamak waketui, tusa tutai nijamanchin
saawichin ajampeu.

Tuja Yakakauk aja ajamtsuk kaya muuntan tawa tawakua nainnum iwak akagkee
pujuju asa waamak jegag waketchau.

Nuniaunak takamujin waitchau asa, Etsa nuwe nijamanch yama kajiaun namujuk
pinignum tagkuma umijkamun yakakauk umau.

Imátika ajama batsamtai, Etsa nuweshkam yamai takaschaje. Ajanak jamainawastai
tsanímpa ukuatjai, tusa tsanímpan kupij weu Yakakau takaak pujamunum.

Nunikma Yakakauk aja ajamtsuk kaya akagkee pujujun wainkau.

Nunitai ukuki, Jempe takamunum weu.
Nuwi jegan diikma jempek aja muuntan ajamak pujujun wainkau.

Nuninun wainmak Etsa nuweeshkam senchi kajeku nunik chichaak:
— Jempe senchi takaunak, dakimak jega waamak waketui tusan nijamchi Liter at ur a ama z ónica: El picaflor y el pájar o tatatao - Jempe Yak ak aujai un relat o en a w ajún
saawin ajampe pujujmag, Yakakau daki ajampeakun tusa jega wakitki.

sugkipa kesajug nijamchijai pachimjug namujuk pinignum tagkumjua ekettsau.
Dutikak Jempen Yakakau umutain, nijamchin bete tagkumjuau.

Jempe jega jegaamtai, nijamanch tagkumjuamun susau. Dutiksam Jempek
umakush amuichu, tantanchijin chuwiju asamtai.

Yakakau taamtai sugkip kesaja eketsamun juwakug jusaa susau. Dutikam
Yakakaushkam ashi jupaat amuinu. Nuniak suween tejetan nagkamau. Nunik, ¿Wagka
imanikja?

Suwejui tejekjai, tusa nanchi nanchikiakua suweenak pakaku, nuniak chichaktajkamá sagaju.

Ima imaniakua sayua, sayua wajau ¿Wagka imagnikja? titagkama:
— ¡Tata, tata, tauuu!, ¡tata, tata, tauuu! wajak tikima najaneak nanaak muja saat
wegajunum sháu akaikiu.

Nunitai Etsa yumigkiak:
— Yakakauk daki asa, chigki najaneuwai, tama abai: ¡kusui! Untsu Jempe nijamanch
saawi ajamsamu asa yagkujan bukunnai tutai aabai, ¡kusui! 4 |
2
— tuyi tuwajame Duwi uchi ainaush chichagkami Yakakau diis daki utsumakainum.