HATUN RIMANA WASI

Khunan Rimana Wasiqa iskay ñeqe Ayak’ucho k’ijllupin, chipanpitaq Bolívar wajaypata, Lima llaqta chaupinkin ichaqa kashian ; kay wasipin kan hoq huch’uy llut’asqa llank’anapaq huch’uy wasikuna; hunuy ruwakuyninpaq, chaymanta huch’uy llank’ana wasi “Raúl Porras Barrenechea”, Rimana Wasipi kamachiq llank’anan, Rimana Wasipi kasqa kamachiqpa llank’anan, chaymanta t’aqa t’aqa huñusqa llank’aqkunapaq, sapanka sapaschasqa apullikunapaq, Llapan llank’aqkuna kamachiqpa hinaspa llanpan chay kamachiypi llank’aqkunaqpapas hinaspa hoq llank’aqkunapas.

Rimana wasiqa manan chay llut’asqallachu, kanmi Lima llaqta chaupipi hoq wasikuna, chaykunan: Ñaupa kausaykuna waqaychaq, “ Complejo Legislativo” nisqa Junin nisqa ñanpi kinsa ñanpi, wasi "José Faustino Sánchez Carrión" Azangaro nisqa tawa ñanpi hinaspapas wasi "Luis Alberto Sánchez" Huallaga kinsa nisqa ñanpi.

Rimana Wasiqa llut’akuran 1904 watapi, ichaqa qespisqa kayninchisqa 1822 watamanta pacha kan chaypas. Ichaqa ñaupaq rimaykunaqa ruwakuran Hatun Yachay Wasi San Marcos nisqapi, Inquisición nisqa wajaypatapi khunan chay wajaypatataqa reqsikun Bolívar wajaypatata hina, chay wasipi Rimana Wasiq kayninqa karan Wiraqocha San Martin 15 Inti Raymi Killapi qelqasqa kamachisqanman hina, chay qelqapin kamachillarantaq San Pedroy achay wasimanta San MarcosHatun Yachay Wasiman llak'aq astakunanpaq..

Kay Rimasqa Kamachiy

15 INTI RAYMI KAMACHIY
ASWAN HATUN KAMAYOQ

Kamachita qon:

1º- Rimana Wasi ruwakunan kama, huñuy rimaykuna ruwakunqa San Marcos Hatun Yachay wasipi.

2º- San Marcos Hatun yachay wasitaq hoq chikan p’unchaykunapaq astakunqa San Pedro yachay wasiman. Llanta kamayoqmi kay iskay ñeqekuna hunt’achinan.

1904 watapi, José Pardo suyu kamachiq kashiaqtin khunan Rimana Wasitaqa qallarikuran llut’ayninta ñaupaq “ capilla” nisqa San Marcos hatun Yachay Wasiqpa hinaspa Convento de la Caridad wasi kaqtin, Raúl Porras Barrenechea Rimana Wasipi huch’uy wasiqa llut’akuran chay convento nisqa allpankunapin.

Chay llut’ayqa qallarikurqaq wiraqocha Emilio Robert qelqakuna ruwasqanman hina chaymanta 1919 watamanta kama k’illichaqa Ricardo Jaxa Malakowki qelqanwan ruwakuran ichaqa chay k’illikachakan hoq allchaykunata qelqapi churasqa.

Ismael Echegaray qelqaqmi willakun 24 Qoya Raymi killapi 1908 watapi Rimana Wasiqa qallariran llank’ayninta. Chaypaqqa huñunakuypi wask’a wasiqa ñan tukukusqalla llut’akuyta, chayraykun chaypi chaskisqa wiraqocha José Pardo y Barreda, chayraq suyu kamachiqpaq Augusto Bernardino Leguía y Salcedo lloqsiqmanta.

"Diputado" nisqa kamachiqkunan rimayninkuta qallarisqaku chay mosoq Rimana wasipi 1912 watamanta pacha huñunakuy wask’a wasi kashiallaqtinraq hinaspa "hall de los pasos perdidos" nisqa k’ijllu imallaraq. 1919 watapin Rimana Wasiqa tukukuran llut’akuyta, hinaspa "Càmara de Senadores" nisqaqa qallariran llank’ayninta "VII Conferencia Panamericana” nisqa hatun rimaywan.

Ichaqa 1904 watamanta 1938 wata kama Rimana Wasi llut’akushiaqtin, "Tibunal de la Santa Inquisición" nisqa huchallikuq wasipin llank’arqan "Càmara de Senadores" nisqa, 1906 watamanta 1912 wata kama ñaupa Palacio de la Exposición – khunan "Museo de Arte" nisqapin llank’aran "Cámara de Diputados" nisqa.
Kay willakuyqa orqokusqa “ La Cámara de Diputados y las Constituyentes del Perú” nisqa qelqamanta Insamel Echegaray C.

Qelqa ruwaqmanta 28 hatun poqoy killapi 1965 wata, Lima- Perú. 767 rap’ì.

QALLAR:

Llaqta runaq llank’aynin/ Runakunaq yuyayninkuta purichiqkuna.